எமது பிரதேசம்

யாழ்மாவட்டத்தின் தென்மேற்கு திசையில் உள்ள 7 தீவுகளில் தீவுகள்தெற்கு பிரதேசமானது மிகப்பெரிய பிரதேசமாகும் இது யாழ் நகருக்கு தென்மேற்கு திசையில் 15 km துரத்திலும் தலைநகர் கொழும்பிலிருந்து 410 Km துரத்திலும் அமைந்துள்ளது. வேலணை பிரதேசத்தின் பரப்பு 98.4 சதுர கிலோ மீற்றர் ஆகவுள்ளது. இது யாழ்மாவட்டத்தின் பரப்பளவில் அண்ணளவாக 09 வீதமாகும். இதன் எல்லைகள் வடக்கு கடலும் , தெற்கு பண்ணைக்கடலும், கிழக்கு கடலும்,மேற்கு ஊர்காவற்துறை பிரதேச செயலக பிரிவுமாகக் காணப்படுகிறது

தீவகம்தெற்கு பிரதேச செயலகத்தின் நிர்வாகத்தில் 30 கிராம சேவையாளர் பிரிவுகளும் 63 கிராமங்களும் உள்ளடங்குகின்றன அத்துடன். உள்ளூராச்சி அமைச்சின்கீழான பிதேச சபையும் இப்பிரதேச எல்லையை உள்ளடக்கியதாக இயங்குகின்றன.​​

வேலணை பிரதேசத்தில் 1990 காலப்பகுதியில் சனத்தொகை 52728 ஆகவும் குடும்பங்கள் 11004 ஆகவும் காணப்பட்டது. தற்போது 2011 ம் ஆண்டு கணக்கீட்டின்படி சனத்தொகை 17901 ஆகவும் குடும்பங்கள் 5285 ஆகவும் காணப்படுகிறது, அத்துடன் சனத்தொகை அடர்த்தி சதுரக் கிலோமீற்றருக்கு 192 ஆகவும் உள்ளது.

இப் பிரதேச மக்களின் வாழ்வியல் கடல் , விவசாயம் மற்றும் கால்டை வளர்பு சார்ந்ததாவே உள்ளது. குறிப்படத்தக்க சில மக்கள் இங்கு காணப்படும் இயற்கை வளமான பணை சார்ந்ததாக காணப்படுகிறது. மேலும் பணை சார்ந்த சிறு கைத்தொழில்களும் இங்குகாணப்டுகிறது.

பிரதான கிராமங்கள் (தீவுகள்)

வேலணை பிரதேசம் பிரதானமாக நான்கு தீவுகளை கொண்டதாக காணப்படுகிறது.

1.மண்டைதீவு

2.லைடன்தீவு

3.புங்குடுதீவு

4.நயினாதீவு

மண்டைதீவு

யாழ்தீவகற்பத்தின் சிறிய தீவாக மண்டைதீவு காணப்படுகிறது இது கடல்வழிப்பாதை (causeway) மூலம் பிரதான நிலப்பரப்புடன் இணைக்கப்பட்டுள்ளது. இத்தீவின் மக்களின் வாழ்வியல் கடல் மற்றும் விவசாயம் சார்ந்ததாகவே காணப்படுகிறது. 15.10 சதுர கிலோ மீற்றர் பரப்பளவை கொண்ட இப் பிரதேசம் 3 கிராமசேவகர் பிரிவுகளை கொண்டதாக காண்ப்படுகிறது.

லைடன் தீவு

டச்சுகாரர்களின் ஆட்சியின்போது லைடன்தீவு என அழைக்கப்பட்ட, இத் தீவு அல்லைப்பிட்டி , மண்கும்பான் ,சரவணை மற்றும் வேலணை கிராமங்ளை உள்ளடக்கியதாகக் காணப்படுகிறது. இதன் பரப்பளவு 44.3 சதுர கிலோ மீற்றர் ஆக காணப்படுவதுடன் 12 கிராமசேவகர் பிரிவுளைகொண்டதாகும்.

புங்குடுதீவு

யாழ்தீவகற்பத்தின் ஒரு தீவாக காணப்படும் இத்தீவு நீண்ட கடல்வழிப்பாதை (causeway) மூலம் லைடன் தீவுடன் இணைக்கப்பட்டுள்ளது. . இதன் பரப்பளவு 33.40 சதுர கிலோ மீற்றர் ஆக காணப்படுவதுடன் 12 கிராமசேவகர் பிரிவுளைகொண்டதாகும். உள்நாட்டுபோர் காரணமாக இடம்பெயாந்த இப் பிரதேசமக்களில் பெரும்பாலனோர் மீளவும் மீள்குடியேறாததால் இப் பிதேச குடித்தொகை குறைவானதாகவே காணப்படுகிறது