நயினாதீவு முதியோருக்கான மருத்துவ முகாம்
2019ம் வருடத்திற்குள் பிரதேச மட்டங்களில் மாதத்திற்கு ஒன்று எனும் அடிப்படையில் வேலணை சுகாதார வைத்திய அதிகாரியினதும் வேலணை பிரதேச வைத்தியசாலை பல் வைத்திய நிபுணரின் ஒத்துழைப்புடனும் பிரதேச செயலகம் வேலணையின் சமூக சேவைப் பிரிவினால் முதியோருக்கான மருத்துவ முகாம் நடாத்தப்பட்டது. ஜே/35, ஜே/36 கிராம அலுவலர் பிரிவைச் சேர்ந்த முதியோருக்கான இம் மருத்துவ முகாம் நயினாதீவு நியாப் மண்டபத்தில் 2019.05.30ம் திகதி காலை 9.00 - 2.00 இடம்பெற்றது. இதில் நூற்றுக்கும் மேற்பட்ட முதியோர்கள் கலந்து கொண்டு பயனடைந்தனர்.
