விளையாட்டுத்துறைத் திணைக்களத்தின் நிதி அனுசரணையுடன் வேலணை பிரதேச செயலகம் நடாத்திய புங்குடுதீவு மத்திய கல்லூரி மாணவர்களுக்கான உதைபந்தாட்ட பயிற்சி முகாம் கடந்த திங்கட்கிழமை மற்றும் செவ்வாய் கிழமை(22.09.2025 - 23.09.2025) ஆகிய இரு தினங்களும் புங்குடுதீவு மத்திய கல்லூரி மைதானத்தில் இடம்பெற்றது.

வடக்கு மாகாண கிராம அபிவிருத்தி திணைக்களத்தின்  PSDG 2025 நிதி ஒதுக்கீட்டில் வேலணை பிரதேச செயலாளர் பிரிவில் கரையோர சுற்றுச் சூழல் பாதுகாப்பு நடவடிக்கையாக 500 கண்டல் தாவரங்களை நாட்டும் வேலைத்திட்டத்தில் முதற் கட்டமாக 300 தாவர நாற்றுக்கள் மண்டைதீவு சந்திக்கு அருகில் இன்றைய தினம் (19.09.2025) நாட்டப்பட்டதுடன் கரையோரப் பாதுகாப்பு மற்றும் கண்டல் தாவர முக்கியத்துவம் தொடர்பில் விழிப்புணர்வும் செய்யப்பட்டது.

இவ் வேலைத்திட்டத்தில் வேலணை பிரதேச செயலக உத்தியோகத்தர்கள், வேலணை பிரதேச சபை உத்தியோகத்தர், மாவட்ட செயலக சுற்றச் சூழல் உத்தியோத்தர்கள், கிராம அபிவிருத்திச் சங்க மற்றும் மாதர் கிராம அபிவிருத்தி சங்க பிரதிநிதிகள், மகளிர் விவகாரக்குழு அங்கத்தவர்கள், கடற்தொழிலாளர் சங்க பிரதிநிதிகள், பிரதேச மட்ட மாற்று திறனாளிகள் அமைப்பு பிரதிநிதிகள், கடற்படையினர் ஆகியோர் கலந்து கொண்டனர்.

வட மாகாண சமூக சேவை திணைக்களத்தின் PSDG திட்ட நலிவுற்ற குடும்பத்திலுள்ள போசாக்கு குறைபாடுள்ள விசேட தேவையுடைய 10 சிறுவர்களுக்கான 5 ம் கட்ட போசாக்கு உலர் உணவு பொதிகளை பிரதேச செயலாளர் திரு.த.அகிலன் அவர்கள் இன்றைய தினம் வழங்கி வைத்தார்.

பிரதேச மட்ட டெங்கு குழுக் கூட்டமானது பிரதேச செயலாளர் திரு.த.அகிலன் அவர்களின் தலைமையில் நேற்றைய தினம் (17.09.2025) பிரதேச செயலக மாநாட்டு மண்டபத்தில் நடைபெற்றது.